കൊയിലാണ്ടി: താലൂക്ക് ഹോമിയോ ആശുപത്രിക്ക് പുതിയ ബ്ലോക്ക് നിര്മിക്കുന്നതിനായി 1.12 കോടി രൂപയുടെ ഭരണാനുമതി ലഭിച്ചു. ദേശീയ ആയുഷ് മിഷനു കീഴില് സ്റ്റേറ്റ് ആന്വല് ആക്ഷന് പ്ലാന് 2018-19 പ്രകാരം 75 ലക്ഷം രൂപയും നഗരസഭ ഫണ്ടില്നിന്നും 37 ലക്ഷം രൂപയും ഉപയോഗിച്ചാണ് കെട്ടിടം പണിയുക.
ഹെല്ത്ത് മിഷന്റെ മേല്നോട്ടത്തില് എച്ച്.എല്.എല് ആണ് നിര്മാണം ഏറ്റെടുത്തത്. പുതിയ കെട്ടിടത്തില് ഒ.പി ബ്ലോക്ക്, പാലിയേറ്റീവ് വിഭാഗം എന്നിവയാണ് പ്രവര്ത്തിക്കുക.
